ᱱᱚᱣᱟ ᱢᱟᱱᱣᱟ ᱥᱟᱶᱛᱟ ᱫᱚ ᱢᱤᱫ ᱵᱟᱨ ᱥᱮᱨᱢᱟ ᱥᱮ ᱡᱩᱜᱽ ᱛᱮᱫᱚ ᱵᱟᱝ ᱛᱮᱭᱟᱨ ᱟᱠᱟᱱᱟ, ᱢᱮᱱᱢᱟ ᱟᱹᱰᱤ ᱥᱮᱨᱢᱟ ᱟᱹᱰᱤ ᱡᱩᱜᱽ ᱚᱠᱛᱚ
ᱡᱟᱜᱟᱣ ᱟᱠᱟᱱᱟ|
ᱢᱟᱱᱣᱟ ᱥᱟᱶᱛᱟ ᱮᱛᱚᱦᱚᱵ ᱟᱠᱟᱱᱟ ᱥᱟᱬᱮᱥᱤᱭᱟᱹ ᱠᱚᱣᱟᱜ ᱟᱭ ᱩᱢᱟᱹᱱ ᱞᱮᱠᱟᱛᱮ 70000 ᱠᱷᱚᱱ 300000 ᱥᱮᱨᱢᱟ ᱢᱟᱲᱟᱝ ᱠᱚᱨᱮ|
ᱟᱵᱚ ᱵᱚ ᱟᱸᱡᱚᱢ ᱟᱠᱟᱫ ᱜᱮᱭᱟ ᱯᱤᱞᱪᱩ ᱦᱟᱲᱟᱢ ᱯᱤᱞᱪᱩ ᱵᱩᱲᱦᱤᱭᱟᱜ ᱠᱟᱹᱦᱱᱤ| ᱪᱮᱫ ᱞᱮᱠᱟ ᱠᱟᱛᱮ ᱢᱟᱱᱣᱟ ᱠᱚ ᱥᱤᱨᱡᱚᱱ ᱮᱱᱟ
ᱢᱟᱱᱣᱟ ᱥᱤᱨᱡᱚᱱ ᱛᱟᱭᱚᱢ ᱪᱮᱫ ᱞᱮᱠᱟ ᱠᱟᱛᱮ ᱢᱟᱱᱣᱟ ᱠᱚ ᱥᱟᱸᱜᱮᱭᱮᱱᱟ| ᱚᱠᱟ ᱞᱮᱠᱟ ᱠᱟᱛᱮ ᱡᱟᱹᱛ ᱯᱟᱹᱨᱤᱥ ᱠᱚ ᱦᱟᱹᱴᱤᱧ ᱟᱱᱟ
ᱟᱨ ᱚᱠᱟ ᱞᱮᱠᱟ ᱠᱟᱛᱮ ᱠᱩᱲᱤ ᱠᱚᱫᱚ ᱟᱲᱟᱜ ᱥᱟᱠᱟᱢ ᱟᱨ ᱠᱚᱲᱟ ᱠᱚᱫᱚ ᱥᱮᱸᱫᱽᱨᱟ ᱠᱟᱨᱠᱟ ᱠᱟᱛᱮ ᱠᱚ ᱡᱚᱢ ᱟᱹᱥᱩᱞᱚᱜ ᱠᱟᱱ ᱛᱟᱸᱦᱮᱫ|
ᱢᱟᱱᱣᱟ ᱥᱟᱶᱛᱟ ᱱᱟᱜᱟᱢ ᱨᱮ ᱚᱱᱠᱟ ᱜᱮ ᱢᱟᱱᱣᱟ ᱫᱚ ᱯᱳᱭᱞᱳ ᱩᱛᱟᱹᱨ ᱫᱚ ᱟᱹᱰᱤ ᱟᱱᱟᱴ ᱡᱤᱭᱚᱱ ᱠᱚ ᱠᱷᱟᱸᱰᱟᱣ ᱟᱠᱟᱫᱼᱟ | ᱵᱤᱨ ᱵᱩᱨᱩ
ᱨᱮ ᱡᱤᱵᱽ ᱡᱤᱭᱟᱹᱞᱤ ᱥᱟᱶ ᱞᱟᱹᱲᱦᱟᱹᱭ ᱠᱟᱛᱮ ᱠᱚ ᱵᱟᱱᱪᱟᱣ ᱟᱠᱟᱱᱟ, ᱩᱱ ᱚᱠᱛᱚ ᱫᱚ ᱡᱤᱭᱟᱹᱞᱤ ᱥᱟᱶ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱞᱟᱥᱮᱨ ᱥᱟᱯᱟᱵ
ᱦᱚᱸ ᱵᱟᱝ ᱛᱟᱸᱦᱮ ᱠᱟᱱᱟ , ᱫᱟᱨᱮ ᱰᱟᱹᱨ ᱟᱨ ᱛᱷᱚᱵᱽᱲᱚ ᱫᱷᱤᱨᱤ ᱜᱮ ᱛᱟᱸᱦᱮ ᱠᱟᱱᱟ ᱥᱮᱸᱫᱽᱨᱟ ᱥᱟᱯᱟᱵ ᱞᱟᱹᱭ ᱛᱮᱫᱚ |
ᱡᱚᱢ ᱧᱩ ᱞᱟᱹᱭ ᱛᱮᱫᱚ ᱥᱮᱸᱫᱽᱨᱟ ᱟᱜᱩ ᱟᱠᱟᱫ ᱡᱤᱵᱽ ᱡᱤᱭᱟᱹᱞᱤᱭᱟᱜ ᱵᱮᱨᱮᱞ ᱡᱤᱞ ᱟᱨ ᱫᱟᱨᱮ ᱱᱟᱲᱤ ᱠᱚᱨᱮᱱᱟᱜ ᱡᱚ ᱵᱤᱞᱤ ᱟᱨ ᱧᱩ ᱞᱟᱹᱜᱤᱫ ᱛᱮᱫᱚ
ᱱᱟᱹᱭ ᱱᱟᱞᱟ ᱜᱟᱰᱟ ᱢᱩᱰᱩ ᱠᱚᱨᱮᱱᱟᱜ ᱫᱟᱜ |
ᱦᱚᱨᱚᱜ ᱵᱟᱸᱫᱮ ᱞᱟᱹᱜᱤᱫ ᱛᱮᱫᱚ ᱫᱟᱨᱮ ᱵᱟᱠᱞᱟᱜ ᱟᱨ ᱥᱟᱠᱟᱢ ᱱᱟᱹᱲᱤ ᱠᱚᱛᱮ ᱞᱟᱡᱟᱣ ᱫᱟᱯᱟᱞ ᱥᱩᱢᱩᱝ ᱟᱨ ᱨᱮᱭᱟᱲ ᱨᱟᱵᱟᱝ ᱠᱚᱨᱮ ᱡᱤᱭᱟᱹᱞᱤ
ᱦᱟᱨᱛᱟ ᱦᱚᱸ ᱦᱚᱨᱚᱜ ᱵᱟᱸᱫᱮ ᱞᱮᱠᱟᱛᱮᱠᱚ ᱵᱮᱣᱦᱟᱨ ᱛᱟᱸᱦᱮᱫ |
ᱡᱩᱜᱽ ᱛᱟᱭᱚᱢ ᱡᱩᱜᱽ ᱢᱟᱱᱣᱟ ᱠᱚ ᱥᱮᱸᱲᱟ ᱤᱫᱤ ᱠᱮᱫᱟ ᱟᱯᱟᱥᱩᱞᱚᱜ ᱨᱮᱱᱟᱜ ᱱᱟᱣᱟ ᱱᱟᱣᱟ ᱦᱚᱨᱟ|
ᱵᱟᱹᱭ ᱵᱟᱹᱭ ᱛᱮ ᱠᱚ ᱥᱮᱸᱲᱟ ᱠᱮᱫᱼᱟ ᱥᱮᱸᱫᱽᱨᱟ ᱞᱟᱹᱜᱤᱫ ᱞᱟᱥᱮᱨ ᱫᱷᱤᱨᱤ ᱨᱮᱱᱟᱜ ᱵᱮᱣᱦᱟᱨ| ᱦᱟᱯᱟ ᱰᱚᱜᱽ ᱨᱮ ᱡᱤᱭᱟᱹᱞᱤ ᱡᱟᱝ
ᱟᱨ ᱞᱟᱥᱮᱨ ᱫᱷᱤᱨᱤ ᱛᱚᱞ ᱠᱚᱛᱮ ᱦᱟᱹᱛᱭᱟᱹᱨ ᱛᱮᱭᱟᱨ, ᱵᱤᱨ ᱥᱮᱸᱜᱮᱞ ᱛᱮᱠᱚ ᱨᱟᱯᱟᱜ ᱞᱮᱱ ᱡᱤᱭᱟᱹᱞᱤᱭᱟᱜ ᱡᱤᱞ ᱡᱚᱢ ᱠᱟᱛᱮ ᱵᱩᱡᱷᱟᱣ
ᱞᱮᱫ ᱠᱚ ᱨᱟᱯᱟᱜ ᱥᱮ ᱤᱥᱤᱱ ᱡᱤᱞ ᱨᱮᱱᱟᱜ ᱥᱚᱲᱚᱢ, ᱜᱟᱹᱦᱤᱨ ᱵᱤᱨ ᱛᱟᱞᱟ ᱫᱟᱨᱮ ᱫᱟᱨᱮ ᱜᱟᱥᱟᱣ ᱠᱟᱛᱮ ᱥᱮᱸᱜᱮᱞ
ᱥᱤᱨᱡᱚᱱ ᱧᱮᱞ ᱠᱟᱛᱮ ᱥᱮᱸᱲᱟ ᱞᱮᱫ ᱟᱠᱚ ᱨᱚᱦᱚᱲ ᱰᱟᱹᱨ ᱜᱟᱥᱟᱣ ᱠᱟᱛᱮ ᱥᱮᱸᱜᱮᱞ ᱥᱟᱞᱜᱟᱣ , ᱱᱚᱣᱟ ᱥᱮᱸᱜᱮᱞ ᱛᱮ ᱮᱛᱚᱦᱚᱵ ᱠᱮᱫᱼᱟ
ᱠᱚ ᱨᱟᱯᱟᱜ ᱠᱟᱛᱮ ᱡᱤᱞ ᱡᱚᱢ ᱟᱨ ᱫᱷᱤᱨᱤ ᱜᱚᱸᱜᱷᱚᱨ ᱵᱟᱥᱟ ᱫᱩᱣᱟᱨ ᱨᱮ ᱥᱮᱸᱜᱮᱞ ᱡᱩᱞ ᱠᱟᱛᱮ ᱵᱟᱱᱪᱟᱣ ᱮᱱᱟᱠᱚ ᱡᱤᱭᱟᱹᱞᱤ ᱠᱚᱣᱟᱜ ᱠᱷᱟᱵᱚᱲ
ᱠᱷᱚᱱ| ᱥᱮᱸᱜᱮᱞ ᱨᱮᱱᱟᱜ ᱵᱮᱣᱦᱟᱨ ᱵᱟᱰᱟᱭ ᱛᱟᱭᱚᱢ ᱢᱤᱫ ᱫᱷᱟᱯ ᱠᱚ ᱩᱛᱱᱟᱹᱣ ᱤᱫᱤᱭᱮᱱᱟ|
ᱥᱮᱸᱲᱟ ᱠᱮᱫᱼᱟ ᱠᱚ ᱪᱟᱥ ᱟᱨᱡᱟᱣ, ᱯᱳᱭᱞᱳ ᱯᱳᱭᱞᱳ ᱫᱚ ᱟᱠᱚ ᱟᱠᱚ ᱜᱮ ᱠᱚ ᱚᱨ ᱮᱫ ᱛᱟᱸᱦᱮ ᱱᱟᱦᱮᱞ , ᱛᱟᱭᱚᱢ ᱵᱤᱫᱟᱹᱞ ᱦᱮᱣᱟᱭᱮᱱᱟ
ᱠᱚ ᱡᱤᱵᱽ ᱡᱤᱭᱟᱹᱞᱤ ᱟᱹᱥᱩᱞ, ᱥᱟᱱᱟᱢ ᱠᱷᱚᱱ ᱢᱟᱲᱟᱝ ᱛᱮᱫᱚ ᱵᱚᱥ ᱮ ᱢᱟᱱᱟᱣ ᱞᱮᱫ ᱟ ᱥᱮᱛᱟ , ᱚᱱᱟ ᱛᱟᱭᱚᱢ ᱮᱴᱟᱜ ᱡᱤᱵᱽ ᱡᱤᱭᱟᱹᱞᱤ
ᱡᱮᱞᱮᱠᱟ ᱜᱟᱹᱭ ᱠᱟᱰᱟ ᱵᱤᱛᱠᱤᱞ ᱢᱮᱨᱚᱢ ᱵᱷᱤᱰᱤ ᱮᱢᱟᱱ |
ᱛᱟᱭᱚᱢ ᱵᱤᱫᱟᱹᱞ ᱫᱚ ᱡᱤᱭᱟᱹᱞᱤ ᱠᱚ ᱦᱚᱸ ᱪᱟᱥ ᱠᱟᱹᱢᱤ ᱨᱮᱠᱚ ᱞᱟᱜᱟᱣ ᱠᱚᱫ ᱠᱚᱣᱟ ᱼ ᱡᱮᱞᱮᱠᱟ ᱰᱟᱝᱨᱟ ᱠᱟᱰᱟ ᱮᱢᱟᱱ|
ᱱᱚᱝᱠᱟ ᱠᱚᱛᱮ ᱥᱟᱶᱛᱟ ᱫᱚ ᱠᱚ ᱠᱮᱴᱮᱡ ᱤᱫᱤᱠᱮᱫᱼᱟ, ᱦᱚᱲ ᱦᱚᱸ ᱠᱚ ᱥᱟᱸᱜᱮ ᱤᱫᱤᱭᱮᱱᱟ , ᱥᱤᱨᱡᱟᱣ ᱤᱫᱤᱭᱮᱱᱟ ᱢᱤᱫ ᱛᱮ ᱛᱟᱸᱦᱮᱱ ᱨᱮᱱᱟᱜ
ᱱᱟᱱᱟ ᱦᱩᱱᱟᱹᱨ ᱟᱱᱟᱴ , ᱥᱚᱦᱞᱮ ᱤᱫᱤᱠᱮᱫᱼᱟ ᱠᱚ ᱱᱟᱱᱟ ᱦᱩᱱᱟᱹᱨ ᱟᱹᱱ ᱟᱹᱨᱤ ᱛᱚᱞ ᱛᱟᱞᱟ ᱛᱮ ᱟᱨ ᱚᱱᱟ ᱟᱹᱱ ᱟᱹᱨᱤ ᱠᱚ ᱜᱮ ᱧᱮᱞ ᱧᱟᱢᱚᱜᱼᱟ
ᱱᱤᱛᱟᱹᱜ ᱟᱵᱚ ᱥᱟᱶᱛᱟ ᱛᱟᱞᱟ ᱨᱮ |
ᱥᱟᱶᱛᱟ ᱠᱟᱛᱷᱟ
ᱥᱟᱶ ᱥᱟᱶ ᱛᱮ ᱛᱟᱸᱦᱮᱱ ᱜᱮ ᱥᱟᱶᱛᱟ ᱵᱚ ᱢᱮᱛᱟᱜ ᱠᱟᱱᱟ, ᱟᱵᱚ ᱠᱷᱮᱨᱣᱟᱞ ᱥᱮ ᱥᱟᱱᱛᱟᱲ ᱥᱟᱶᱛᱟ ᱫᱚ ᱟ.ᱵᱤ ᱢᱟᱨᱮ ᱟᱨ ᱢᱩᱬᱩᱫ ᱥᱟᱶᱛᱟ ᱠᱟᱱᱟ | ᱪᱮᱫᱟᱜ ᱥᱮ ᱟᱵᱚ ᱠᱷᱮᱨᱣᱟᱞ ᱥᱮ ᱥᱟᱱᱛᱟᱲ ᱥᱟᱶᱛᱟ ᱨᱮᱜᱮ ᱱᱩᱱᱟ.ᱜ ᱨᱤᱦᱤᱴ ᱟ.ᱱ ᱟ.ᱨᱤ ᱧᱮᱞᱚᱜᱼᱟ ᱡᱟᱸᱦᱟ ᱫᱚ ᱮᱴᱟᱜ ᱥᱟᱶᱛᱟ ᱨᱮ ᱥᱟᱶᱛᱟ ᱟ.ᱱ ᱟ.ᱨᱤ ᱞᱮᱠᱟᱛᱮ ᱫᱚ ᱵᱟᱝ ᱧᱮᱞᱚᱜᱼᱟ | ᱡᱮ ᱞᱮᱠᱟ ᱡᱟᱱᱟᱢ ᱠᱷᱚᱱ ᱜᱩᱡᱩᱜ ᱦᱟᱵᱤᱡ ᱢᱟᱱᱢᱤ ᱡᱤᱭᱚᱱ ᱨᱮ ᱚᱠᱟ ᱚᱠᱟ ᱠᱚᱨᱚᱢ ᱫᱷᱚᱨᱚᱢ ᱠᱚ ᱢᱮᱱᱟᱜ ᱟᱠᱟᱫ, ᱪᱷᱩᱛ ᱪᱷᱟ.ᱴᱭᱟ.ᱨ ᱩᱢ ᱦᱚᱭᱚ ᱵᱟᱯᱞᱟ ᱵᱷᱟᱸᱰᱟᱱ ᱵᱚᱸᱜᱟ ᱵᱩᱨᱩ ᱵᱟᱦᱟ ᱥᱚᱦᱨᱟᱭ ᱠᱟᱨᱟᱢ ᱫᱟᱸᱥᱟᱭ ᱟᱪᱟᱨ ᱵᱤᱪᱟ.ᱨ ᱞᱟᱭ ᱞᱟᱠᱪᱟᱨ ᱮᱢᱟᱱ ᱥᱟᱱᱟᱢ ᱨᱮᱭᱮᱜ ᱟ.ᱱ ᱟ.ᱨᱤ ᱟ.ᱰᱤ ᱱᱟᱯᱟᱭ ᱠᱚ ᱴᱷᱟᱲᱚ ᱜᱚᱴᱟ ᱚᱴᱚ ᱟᱠᱟᱫᱼ ᱟ | ᱮᱢᱚᱱ ᱪᱮᱫ ᱚᱠᱚᱭ ᱚᱠᱚᱭ ᱫᱟᱨᱟ ᱛᱮ ᱱᱚᱣᱟ ᱠᱟ.ᱢᱤ ᱠᱚ ᱥᱩᱥᱟ.ᱨᱚᱜᱼᱟ ᱚᱱᱟ ᱦᱚᱸ ᱠᱚ ᱴᱷᱟᱲᱚ ᱜᱚᱴᱟ ᱟᱠᱟᱫᱼᱟ ᱺ ᱥᱟᱶᱛᱟ ᱥᱮ ᱫᱤᱥᱚᱢ ᱛᱟᱞᱟ ᱨᱮ ᱢᱟᱱᱣᱟ ᱠᱚ ᱥᱩᱞᱩᱠ ᱱᱤᱨᱟ.ᱭ ᱨᱮ ᱛᱟᱸᱦᱮᱱ ᱞᱟ.ᱜᱤᱫ ᱟᱱᱟᱴ ᱮᱴᱠᱮ ᱴᱚᱬᱮ ᱨᱮ ᱟᱨᱵᱟᱝ ᱠᱟᱹᱭᱡᱟᱹ ᱠᱟᱹᱯᱷᱟᱹᱨᱤ ᱨᱮ ᱵᱤᱪᱟᱹᱨ ᱨᱮᱭᱟᱜ ᱦᱚᱸ ᱠᱚ ᱵᱚᱱᱫᱷᱮᱹᱡᱽ ᱟᱠᱟᱫ ᱛᱟᱸᱦᱮᱫ
ᱩᱱ ᱚᱠᱛᱚ ᱠᱷᱚᱱ ᱠᱚᱨᱮᱱᱟᱜ ᱛᱚᱞ ᱜᱚᱴᱟ ᱵᱩᱴᱟ ᱟᱠᱟᱱ ᱟᱹᱱ ᱟᱹᱨᱤ ᱠᱚᱼᱼᱼ
1. ᱢᱟᱺᱡᱷᱤ ᱯᱟᱨᱜᱟᱱᱟ ᱥᱟᱥᱚᱱ ᱟᱹᱱ ᱟᱹᱨᱤ |[click here]
2.ᱵᱟᱯᱞᱟ ᱟᱹᱨᱤ |
3. ᱵᱷᱟᱸᱰᱟᱱ ᱟᱹᱨᱤ |
4. ᱯᱟᱹᱨᱤᱥ ᱟᱱᱩᱪ ᱵᱚᱸᱜᱟ ᱵᱩᱨᱩ ᱟᱹᱨᱤ |
5.ᱞᱟᱭ ᱼ ᱞᱟᱠᱪᱟᱨ ᱨᱮᱱᱟᱜ ᱱᱟᱱᱟ ᱦᱩᱱᱟᱹᱨ ᱟᱹᱱ ᱟᱹᱨᱤ ᱠᱚ |